OpenCorporates.al

Në datë 19.07.2005:Në bazë të Proces-Verbalit të Asamblesë së Përgjithshme të Ortakëve, datë 18.07.2005, është vendosur që të zmadhohet kapitali themeltar i shoqërisë për vlerën e objektit “Kinema Partizani”, pasi nuk ishte përfshirë në kapitalin themeltar në momentin e krijimit të shoqërisë. Por, në ekstrakt nuk ka të depozituar asnjë vendim të dytë të asamblesë që të miratoj zmadhimin e kapitalit themeltar për vlerën e objektit, si dhe kapitali i shoqërisë është i paraqitur në ekstrakt me vlerën fillestare të krijimit të shoqërisë, konkretisht 43.147.891 lekë.

I- Në datë 05.07.2005: Në bazë të Vendimit të Asamblesë së Ortakëve datë 01.07.2005, është miratuar emërimi i administratorit Alban Xhillari dhe largimi i administratorit Xhevdet Shoshi.

II-Në datë 28.06.2010: Në bazë të Vendimit të Asamblesë së Përgjithshme datë 21.04.2010, është miratuar emërimi i administratorit Ylli Ndroqi dhe largimi i administratorit Alban Xhillari.

III-Në datë 06.08.2020: Në bazë të shkresës Nr.1211 Prot., datë 05.08.2020 nga Agjencia e Administrimit të Pasurive të Sekuestruara dhe të Konfiskuara, për zbatim të urdhrit Nr.1184., datë 03.08.2020 ku është vendosur, emërimi i administratorit Arjan Baci, për administrimin e pasurive të sekustruara, dhe largimi i administratorit Ylli Ndroqi.

IV: Në datë 13.10.2020: Në bazë të shkresës Nr.1604 Prot., datë 08.10.2020 nga Agjencia e Administrimit të Pasurive të Sekuestruara dhe të Konfiskuara është vendosur: "Ndryshimi i administratorit të mëparshëm Z.Arjan Baci dhe emërimi i administratorëve z.Erald Totri dhe Erion Riçku, për administrimin e pasurive të sekuestruara, në bazë të Urdhrit të Brendshëm 1587, datë 07.10.2020 te leshuar nga Gjykata e Shkalles se Pare per Korrupsionin dhe Krimin e Organizuar.

V: Në datë 29.07.2021: Në bazë të shkresës Nr.2177 Prot., datë 22.07.2021 nga Agjencia e Administrimit të Pasurive të Sekuestruara dhe të Konfiskuara është vendosur: "ndryshimi i administratoreve të mëparshëm z.Erald Totri dhe Erion Riçku dhe emërimi i administratorit z.Skënder Methasani, për administrimin e pasurive të sekuestruara."

VI: Ne date 10.10.2022: Ne baze shkresës Nr.2783 Prot., datë 29.09.2022 nga Agjencia e Administrimit të Pasurive të Sekuestruara dhe të Konfiskuara, ku është vendosur: Sekuestrimi i 80% te kuotave dhe aksioneve të shoqërisë “INTERKINEX” me Nuis (Nipt) J71506006T, sipas vendimit nr.16, datë 01.08.2020, të Gjykatës së Posaçme të Shkallës së Parë për Korrupsionin dhe Krimin e Organizuar; ndryshimi i administratorit të mëparshëm dhe emërimi i administratorit z.Farudin Arapi si administrator i pasurive të sekuestruara dhe konfiskuara.

VII. Me datë 08.08.2023, me anë të shkreses Nr. 2667 Prot., te Agjencise se Administrimit te Pasurive te Sekuestruara dhe te Konfiskuara dhe ne zbatim te urdherit te brendshem Nr. 498, date 07.08.2023, u kerkua: Zevendesimi i administratorit te meparshem z.Farudin Arapi me administratorin z.Stefan Boçi , si administrator i pasurive te konfiskuara dhe z. Gjergji Dudi si administrator (vetem per mjetet), e konfiskuara me vendimin Nr. 17, datë 03.11.2022, i Gjykatës së Posaçme të Shkallës së Parë për Korrupsionin dhe Krimin e Organizuar dhe vendimi Nr. 55 datë 30.04.2023, i Gjykatës së Posaçme të Apelit dhe Korrupsionit dhe Krimit të Organizuar.

VIII. Me datë 26.09.2023, me anë të kërkesës Nr. 3120 Prot., ardhur nga Agjencia e Administrimit të Pasurive të Sekuestruara dhe Konfiskuara, në zbatim të Urdhrit Nr. 580, datë 25.09.2023 të saj, protokolluar nga QKB me Nr. 18994 Prot., datë 27.09.2023, dhe dokumentacionit shoqërues (Vendimi Nr. 17, datë 03.11.2022, i Gjykatës së Posaçme të Shkallës së Parë për Korrupsionin dhe Krimin e Organizuar dhe Vendimi Nr. 55, datë 20.04.2023, i Gjykatës së Apelit për Korrupsionin dhe Krimin e Organizuar), u kërkua zëvendësimi administratorit z.Stefan Boçi me administratorin z.Enea Caushaj.

I-Në datë 22.06.2004:Në bazë të Kontratës e Shitjes së Kuotave Nr.388/45 datë 12.02.2002, mbështetur në Vendimin e Ortakut datë 13.09.2001, është miratuar shitja e kuotave të ortakut Xhevdet Shoshi që përbëjnë 80% të kapitalit të shoqërisë te blerësi (ortaku i ri) Alban Xhillari, me çmim totalë 353.000 USD, që do të likujdohet me këste.

II-Në datë 03.06.2005:Në bazë të Vendimit të Gjykatës së Shkallës së Parë Tiranë Nr.8571/1 datë 22.06.2004, është miratuar anullimi i veprimeve tregtare që ishin regjistruar në regjistrin tregtar të shoqërisë, duke anulluar vendimin e pikës I (referim pika I). Pas këtij vendimit, ortakët e shoqërisë do të jenë Ministria e Ekonomisë zotëruese e 20% të kapitalit dhe ortaku Xhevdet Shoshi zotërues i 80% të kapitalit.

III-Në datë 05.07.2005:Në bazë të Vendimit të Ortakëve datë 16.06.2005, dhe Kontratës së shitjes së Kuotave datë 29.06.2005, është miratuar shitja e kuotave të ortakut Xhevdet Shoshi që përbëjnë 80% të kapitalit, te blerësi Alban Xhillari (ortak i ri i shoqërisë), për vlerën totalë 353.000 USD.

IV-Në datë 28.06.2010: Në bazë të Vendimit të Asamblesë së Përgjithshme datë 21.04.2010, mbështerur në Kontratën e Shitjes së Kuotave Nr1423Rep, Nr.551/1Kol, datë 11.05.2010, është miratuar shitja e kuotave të ortakut Alban Xhillari që zotëron 80% të kapitalit, te shoqëria YLDON SH.p.k me Nipt K31618007S, me administrator Ylli Ndroqi, dhe me vlerë totale 2.900.000 Eur. Vlera 2.400.000 Eur nga totali i detyrimit, do të sigurohet nga shoqëria në formën e Kredisë Bankarë në Bankën e nivelit të dytë Tirana Banka, dhe si kolateral do të vendoset pasuria e luajtshme dhe e paluajtshme e shoqërisë ‘INTERKINEX” Sh.p.k. Por, në bazë të depozitimit të dokumentit “Ndryshimi i Kontratës së Shitjes” më Nr.1706Rep, Nr.646/1Kol datë 04.06.2010, është miratuar ndryshimi i çmimit të shitjes së kuotave nga vlera 2.900.000 Eur në vlerën 1.200.000 Eur.

V. Me datë 04.09.2023, me anë të shkresës Nr. 2667/3 Prot protokolluar nga QKB me NR. 16080/323 datë 06.09.2023, lëshuar nga agjencia e Administrimit të Pasurive të Sekuestruara dhe Konfiskuara, me lëndë: Kërkesë për ndryshim ortaku, në zbatim të vendimit Nr. 17 datë 03.11.2022 të Gjykatës së Posaçme të Shkallës së Parë për Korrupsionin dhe Krimin e Organizuar, lënë në fuqi me vendimin Nr. 55 datë 20.04.2023 të Gjykatës së Apelit për Korrupsionin dhe Krimin e Organizuar mbi pasuritë (shoqëritë) e cituara në shkresën Nr. 2667/2 Prot datë 29.08.2023, u kërkua zëvendësimi i kuotave të pasurisë të“INTERKINEX” SHPK me NIPT J71506006T, me aksioner shoqërinë “YLDON”, përfaqësuar nga shtetasi Ylli Ndroqi, dhe ortak të bëhet “Agjencia e Administrimit të Pasurive të Sekuestruara dhe Konfiskuara”, për 80% të kuotave të zotëruara nga "YLDON".