OpenCorporates.al

I. Më datë 10.03.2001, me vendim të asamblesë së aksionerëve të Dardani Bank sh.a (tani Veneto Banka), u aprovua rritja e kapitalit themeltar me 3.000.000 (tre milion) USD nëpërmjet kontributeve të Fondeve për Rindërtimin e Kosovës. Kapitali në total pas rritjes bëhet 5.000.000 (pesë milion) lekë ose 700.000.000 (shtatëqind milion) lekë.

II. Më datë 29.09.2005, me vendim të asamblesë së aksionerëve, u konvertua vlera nominale e aksioneve prej 5.000 USD në vlerën 4.159,09 (katër mijë e njëqind e pesëdhjetë e nëntë presje zero nëntë) euro, sipas kursit të këmbimit të datës 28.09.2005 eur/lek 123,26. Gjithashtu u miratua rritja e vlerës nominale të aksioneve nga 4.159,09 euro në 7.875 (shtatë mijë e tetëqind e shtatëdhjetë e pesë) euro, nëpërmjet kontributit me para në dorë nga ana e aksionarëve. Kjo sjell rritjen e kapitalit aksioner në vlerën 7.875.000 (shtatë milion e tetëqind e shtatëdhjetë e pesë mijë) euro, që i përket vlerës në lekë 970.672.500 (nëntëqind e shtatëdhjetë milionë e gjashtëqind e shtatëdhjetë e dymijë e pesëqind) lekë.

III. Më datë 20.03.2006, me vendim të asamblesë së aksionerëve, u miratua zmadhimi i kapitalit nëpërmjet emetimit të 1060 (një mijë e gjashtëdhjetë) aksioneve pa të drejtë vote, me një vlerë nominale prej 100.000 (njëqind mijë) lekë secila, që do të nënshkruhen dhe shlyhen nga secili prej aksionerëve në përpjestim me kuotat e zotëruara nga secili prej tyre. Pra, kapitali i shtuar i bankës është 106.000.000 (njëqind e gjashtë milionë) lekë. Në përfundim, sipas kursit të këmbimit të datës 20.03.2006, kapitali i bankës në total bëhet 1.076.672.500 (një miliard e shtatëdhjetë e gjashtë milionë e gjashtëqind e shtatëdhjetë e dy mijë e pesëqind) lekë.

IV. Më datë 20.02.2007, me vendim të asamblesë së aksionerëve, u miratua rritja e vlerës nominale të aksioneve të shprehura në euro nga 7.875 (shtatë mijë e tetëqind e shtatëdhjetë e pesë) euro në vlerën 7.950 (shtatëmijë e nëntëqind e pesëdhjetë) euro secila, nëpërmjet vënies në përdorim dhe shfrytëzimit të fondit-shumë, të depozituar nga aksionarët në datën 23.06.2006, pra të shumës prej 75.000 (shtatëdhjetë e pesë mijë) euro. Si rrjedhim, kapitali i bankës bëhet 7.950.000 (shtatë milionë e nëntëqind e pesëdhjetë mijë) euro, i ndarë në 1.000 aksione me verë nominale 7.950 (shtatë mijë e nëntëqind e pesëdhjetë) euro secila. Ndërsa pjesa e kapitalit në lekë është 106.000.000 (njëqind e gashtë milionë) lekë, i ndarë në 1060 aksione pa të drejtë vote, me vlerë nominale 100.000 (njëqind mijë) lekë secila, e që zotërohet nga aksionarët si vijon:

a) Francesco Mariano Mariano zotëron 1007 aksione me vlerë prej 100.700.000 (njëqind milionë e shtatëqind mijë) lekë-95% të kapitalit të shprehur në lekë
b) Banka Popolare Pugliese zotëron 53 aksione me vlerë prej 5.300.000 (pesë milionë e treëind mijë) lekë-5% e kapitalit të shprehur në lekë.

Gjithashtu, sipas këtij vendimi, asambleja miratoi rritjen e kapitalit nëpërmjet emetimit të 120 aksioneve të shprehura në euro, me të drejtë vote, që do të nënshkruhen nga aksionarët në përpjestim me aksionet në euro të zotëruara nga secili prej tyre. Çmimi total i nënshkrimit të aksioneve sa më sipër është 9.800 (nëntë mijë e tetëqind) euro për çdo aksion, nga i cili shuma prej 7.950 është vlera nominale e tyre dhe shuma prej 1.850 euro është mbivlera për çdo aksion. Pas këtij operacioni, rritja totale e kapitaleve të veta të bankës bëhet 1.176.000 (një milion e njëqind e shtatëdhjetë e gjashtë mijë) euro, nga të cilat shuma prej 954.000 (nëntëqind e pesëdhjetë e katër mijë) euro është rritja e kapitalit dhe shuma prej 222.000 (dyzet e njëzet e dy mijë) euro do të shkojë në rezervë si mbivlerë aksionesh. Si rrjedhim, kapitali i bankës i shprehur në euro, është 8.904.000 (tetë milionë e nëntëqind e katër mijë) euro, i ndarë në 1.120 (një mijë e njëqind e njëzet) aksione me vlerë nominale prej 7.950 (shtatë mijë e nëntëqind e pesëdhjetë) euro secila dhe zotërohen nga aksionarët si vijon:

a) Francesco Mariano Mariano zotëron 1064 aksione me vlerë nominale 7.950 euro, që përfaqëson 95% të kapitalit të shoqërisë të shprehur në euro;
b) Banca Popolare Pugliese zotëron 56 aksione me vlerë nominale 7.950 euro secila, që përfaqëson 5% të kapitalit të shprehur në euro.

Në përfundim, kapitali shoqëror i bankës do të jetë në shumën totale prej 8.904.000 (tetë milionë e nëntëqind e katër mijë) euro dhe prej 106.000.000 (njëqind e gjashtë milionë) lekë, që i korrespondon kundërvleftës në lekë 1.206.021.213,94 (një miliard e dyqind e gjashtë milionë e njëzet e një mijë e dyqind e trembëdhjetë presje nëntëdhjetë e katër) lekë.

V. Më datë 27.02.2008, vendoset të rritet kapitali i shoqërisë në vlerën 1.283.873.973,94 (një milard e dyqind e tetëdhjetë e tre milion e tetëqind e shtatëdhjetë e tre mijë e nëntëqind e shtatëdhjetë e tre presje nëntëdhjetë e katër) lekë. (Nuk ka dokument justifikues për këtë rritje kapitali në ekstraktin e QKB)

VI. Më datë 12.05.2008, me vendim të mbledhjes së jashtëzakonshme të aksionerëve, u miratua zvogëlimi i kapitalit me qëllim mbulimin e një pjese të humbjeve të akumulara, deri në vlerën 106.000.000 (njëqind e gjashtë milion) lekë. Kapitali zvogëlohet në të njëjtën vlerë duke eleminuar 1060 aksione pa të drejtë vote të emetuara në lekë me vlerë nominale 100.000 (njëqind mijë) lekë secila. Pas këtij zvogëlimi, vlera e kapitalit bëhet 1.777.873.973,94 (një miliard e shtatëqind e shtatëdhjetë e shtatë milion e tetëqind e shtatëdhjetë e tre mijë e nëntëqind e shtatëdhjetë e tre presje nëntëdhjetë e katër) lekë, i ndarë në 1200 aksione me vlerë nominale 7.950 euro secila. (Sipas vendimit të asamblesë së aksionerëve, kapitali është zvogëluar duke eleminuar pjesën e kapitalit në lekë që shkoi për mbulimin e humbjeve, por vlera e kapitalit total në fund rezulton më e madhe në këtë datë në krahasim me datën paraardhëse 27.02.2018)

VII. Më datë 17.09.2009, me vendim të aksionerit të vetëm, u miratua rritja e kapitalit nëpërmjet emetimit të 629 aksioneve në euro me të drejtë vote, të cilat do të nënshkruhen dhe paguhen nga aksioneri i vetëm Veneto Banca Holding s.c.p.a. Pas këtij veprimi kapitali i bankës do të përbëhet nga një numër total prej 1.829 (një mijë e tetëqind e njëzet e nëntë) aksionesh me vlerë nominale 7.950 (shtatë mijë e nëntëqind e pesëdhjetë) euro secila, që përfaqësojnë një total prej 14.540.550 (katërmbëdhjetë milion e pesëqind e dyzet mijë e pesëqind e pesëdhjetë) lekë ose 1.846.197.481,44 (një miliard e tetëqind e dyzet e gjashtë milion e njëqind e nëntëdhjetë e shtatë mijë e katërqind e tetëdhjetë e një presje dyzet e katër) lekë.

VIII. Më datë 27.04.2011, me vendim të aksionerit të vetëm, u miratua rritja e kapitalit të bankës nëpërmjet emetimit të 1258 aksioneve në euro, me të drejtë vote, të cilat do të nënshkruhen dhe pagohen nga aksioneri i vetëm. Pas këtij veprimi, kapitali i bankës do të përbëhet nga një numër total prej 3087 aksionesh me vlerë nominale 7.950 (shtatë mijë e nëntëqind e pesëdhjetë) euro secila. Në total kapitali bëhet 24.541.650 (njëzet e katër milion e pesëqind e dyzet e një mijë e gjashtëqind e pesëdhjetë) euro që i korrespondon vlerës në lekë prej 3.264.353.461,44 (tre miliard e dyqind e gjashtëdhjetë e katër milion e treqind e pesëdhjetë e tre mijë e katërqind e gjashtëdhjetë e një presje dyzet e katër) lekë.

IX. Më datë 27.02.2013, me vendim të aksionerit të vetëm, u miratua rritja e kapitalit të “Veneto Banka “ sh.a nëpërmjet emetimit të 1.258 aksioneve të reja me të drejtë vote me vlerë nominale 7.950 euro secila. Pas këtij veprimi, kapitali i bankës do të përbëhet nga një numër total prej 4.345 (katër mijë e treqind e dyzet e pesë) aksionesh që përfaqësojnë një kapital total prej 34.542.750 (tridhjetë e katër milion e pesëqind e dyzet e dy mijë e shtatëqind e pesëdhjetë) euro, që i korrespondon vlerës në lekë prej 4.661.307.109,44 (katër miliard e gjashtëqind e gjashtë dhjetë e një milion e treqind e shtatë mijë e njëqind e nëntë presje dyzet e katër) lekë. Rritja e kapitalit është miratuar nga Banka e Shqipërisë nëpërmjet shkresës Nr. 820/2, datë 13.06.2013.

X. Më datë 07.07.2016, me vendim të asamblesë së aksionerit të vetëm, u miratua rritja e kapitalit nëpërmjet emetimit të 3.774 aksioneve në euro, me të drejtë vote. Pas këtij veprimi, kapitali i bankës do të përbëhet nga një numër total prej 8.119 (tetë mijë e njëqind e nëntëmbëdhjetë) aksionesh me vlerë nominale 7.950 euro secila që përfaqësojnë një kapital total prej 64.546.050 (gjashtëdhjetë e katër milion e pesëqind e dyzet e gjashtë mijë e pesëdhjetë) euro, që i korrespondon vlerës në lekë prej 8.764.558.417,44 (tetë miliardë e shtatëqind e gjashtëdhjetë e katër milion e pesëqind e pesëdhjetë e tetë mijë e katërqind e shtatëmbëdhjetë presje dyzet e katër) lekë.

XI. Më datë 26.05.2017, me vendim të aksionerit të vetëm, u miratua rritja e kapitalit të bankës nëpërmjet emetimit të 1006 aksioneve në euro me të drejtë vote. Pas këtij veprimi, numri i aksioneve në total bëhet 9.125 (nëntë mijë e njëqind e njëzet e pesë) aksione, që përfaqësojnë një kapital prej 72.543.750 (shtatëdhjetë e dy milion e pesëqind e dyzet e tre mijë e shtatëqind e pesëdhjetë) euro, që i korrespondojnë vlerës në lekë prej 9.839.689.228,44 (nëntë miliard e tetëqind e tridhjetë e nëntë milion e gjashtëqind e tetëdhjetë e nëntë mijë e dyqind e njëzet e tetë presje dyzet e katër) lekë.

I. Më datë 07.03.1997, me vendim të asamblesë së zakonshme, u lirua nga detyra e administratorit të bankës Milazim Abazi dhe u emërua në këtë detyrë Beqir Mezelxhiu.

II. Më datë 28.12.2005, me vendim të asamblesë së aksionerëve, u emërua Giancarlo Stasi si administrator i bankës pas dorëheqjes nga detyra të Beqir Mezelxhiut.

III. Më datë 19.12.2005, me vendim të Këshillit Drejtues, u emërua si drejtor i përgjithshëm i bankës/administrator Z. Libero Catalano duke zëvendësuar Z. Giancarlo Stasi, i cili largohet nga detyra.

IV. Më datë 14.12.2010, me vendim të Këshillit Drejtues, u emërua si drejtor i përgjithshëm/administrator i bankës Z. Lucio Gaita dhe u largua nga kjo detyrë Z. Libero Catalano.

V. Më datë 03.01.2014, me vendim të Këshillit Drejtues, u emërua si drejtor i përgjithshëm i bankës Z. Daniele Schavaortz dhe u largua nga ky pozicion Z. Lucio Gaita.

VI. Më datë 04.12.2015, me vendim të Këshillit Drejtues, u emërua si drejtor i përgjithshëm i bankës Z. Pierluigi Caferri dhe u largua nga ky pozcion Z. Dainiele Schavaortz. Ky emërim është miratuar nga Banka e Shqipërisë nëpërmjet shkresës Nr.319/2 Prot., datë 12.02.2016.

VII. Më datë 02.02.2018, me vendim të Këshillit Drejtues, u pranua dorëheqja nga detyra e drejtorit të përgjithshëm të Veneto Banka sh.a, Z. Pierluigi Caferri.

Më datë 29.09.2005, me vendim të asamblesë së aksionerëve, u ndryshua emërtimi i bankës nga “Dardania Bank Sh.a” në “Banka Italiane e Zhvillimit (Banca Italiana di Sviluppo) sh.a”.

Më datë 17.09.2009, me vendim të aksionerit të vetëm, u ndryshua emërtimi i bankës nga “Banka Italiane e Zhvillimit” në “VENETO BANKA”.

I. Më datë 19.10.2002, me vendim të asamblesë së aksionerëve, u miratua ndryshimi i nenit 59 të statutit të shoqërisë, i cili pas ndryshimit riformulohet si vijon: “Sa kohë që Banka të ketë si burim financimi Fondet e Kosovës, aksionerë janë Fondet për Rindërtimin e Kosovës”. Meqënëse Fondet për Rindërtim të Kosovës kanë kontribuar në plotësimin e kapitalit të bankës prej 700.000.000 (shtatëqind milion) lekë, kërkesë e caktuar nga Banka e Shqipërisë për të ndryshuar aksionarin, atëherë ato bëhen zotërues të bankës, ndërkohë që më parë ishte Ministria e Ekonomisë dhe Financave të Republikës së Kosovës.

II. Sipas proçesverbalit të mbledhjes së jashtëzakonshme të asamblesë së “Dardania Bank” (tani Veneto Bank), datë 19.10.2002, aksionerët themelues të “Dardani Bank” sh.a janë:

a) FONDS DER REPUBLIK VON KOSOVA, Gjermani, me 55% të kapitalit themeltar, përfaqësuar nga Bujar Bukoshi;

b) FONDATION PUR LE KOSOVA, Zvicër, me 30% të kapitalit themeltar, përfaqësuar nga Gani Hoxha

c) HUMANITARER VEREIN DES KOSOVA, Austri, me 4.5% të kapitalit themeltar, përfaqësuar nga Avdyl Çetaj

d) KOSOVA HJALPFOND, Suedi, me 4.5% të kapitalit themeltar, përfaqësuar nga Muhamet Shatri

e) FOND DE LA REPUBLIK DEL KOSOVA, Itali, me 2.5% të kapitalit themeltar, përfaqësuar nga Arsim Berisha dhe Shpend Tërdevaj

f) KOSOVA HUMANITAR FOND, Danimarkë, me 1% të kapitalit themeltar, përfaqësuar nga Imer Berisha

g) FONDS HUMANITARE DE KOSOVA EN FRANCE, Francë, me 1% të kapitalit themeltar, përfaqësuar nga Murat Bejta

h) FONDI DE LA REPUBLIK DEL KOSOVA, Luxemburg, përfaqësuar nga Z. Driton Gumnisha, me 0.5% të kapitalit themeltar.

i) FONDI KOSOVA AVUSTRURAHASTO R.Y, Finlandë, përfaqësuar nga Fadil Istrefi, me 1% të kapitalit themeltar.

III. Më datë 19.04.2003, asambleja e aksionerëve ka miratuar largimin e aksionerit “Fondaton Pur Le Kosova” Zvicër, i përfaqësuar nga Z. Gani Hoxha, e cila zotëronte 30% të kapitalit, ose 1.500.000 (një milion e pesëqind mijë) USD. Këto aksione me kontratën e transferimit nr. 232 rep, datë 19.04.2003, i kanë kaluar Fondit të Gjermanisë me përfaqësues Z. Bujar Bukoshi, i cili zotëron 55% të kapitalit ose 2.750.000 (dy milion e shtatëqind e pesëdhjetë mijë) USD. Nga ky moment aksioneri “Fondi i Gjermanisë” bëhet zotërues i 85% (55%+30%) të kapitalit ose 4.250.000 (katër milion e dyqind e pesëdhjetë mijë) USD.

IV. Më datë 08.01.2005, me anë të kontratës së transferimit të aksioneve nr. 32/3, aksionerët “Fondi De La Republik Del Kosova” në Itali, i përfaqësuar nga Z. Asim Berisha, me 2.5% ose 125.000 (njëqind e njëzet e pesë mijë) USD të kapitalit fillestar dhe “Fondi De La Republik Del Kosova” Luksenburg, i përfaqësuar nga Z. Driton Gumnisha, me 0.5% ose 25.000 (njëzet e pesë mijë) USD të kapitalit themeltar transferojnë aksionet nëpërmjet shitjes në favor të “Fondit Der Republic Kosova” Gjermani, i përfaqësuar nga Z. Bujar Bukoshi, duke e çuar këtë të fundit në zotërimin e 88% të aksioneve ose 4.400.000 (katër milion e katërqind mijë) USD, nga 85% që zotëronte më parë.

V. Më datë 09.03.2005, me anë të kontratave të transferimit të kuotave/aksionev nr. 1798 rep., nr 187 kol. dhe nr. 1801 rep., nr. 190 kol., u larguan katër aksionerët:

a) Fondi del Kosova në Francë, i përfaqësuar nga Murat Bejta, me 1% të aksioneve

b) Fondi Del Kosova në Danimarkë, i përfaqësuar nga Imer Berisha, me 1% të aksioneve

c) Fondi Verenin Del Kosova në Austri, i përfaqësuar nga Abdyl Ceta, me 4.5% të aksioneve

d) Fondi Kosova Avustrurahasto R.Y, i përfaqësuar nga Fadil Istrefi, me 1% të aksioneve

dhe transferuan aksionet e tyre nëpërmjet shitjes në favor të “Fondit De Republic Del Kosova Gjermani”, kundrejt çmimit 375.000 (treqind e shtatëdhjetë e pesë mijë) USD, duke e rritur zotërimin e kësaj të fundit në kapitalin e shoqërisë me 95.5% të aksioneve ose 4.775.000 (katër milion e shtatëqind e shtatëdhjetë e pesë mijë) USD.

VI. Më datë 21.03.2005, me anë të kontratës së transferimit të kuotave/aksioneve nr. 2188 rep., nr. 217 kol., aksioneri Fondi Humanitar Kosovës Hjalpfond në Suedi, i përfaqësuar nga Z. Muhamet Shatri, transferon nëpërmjet shitjes 4.5% të aksioneve në favor të “Fondit Der Republic von Kosova Gjermani”, i përfaqësuar nga Z. Bujar Bukoshi me çmimin 225.000 (dyqind e njëzet e pesë mijë) USD, duke e çuar këtë të fundit në zotërimin e 100% të aksioneve ose 5.000.000 (pesë milion) USD.

VII. Më datë 30.06.2005, me anë të aktit të transferimit të pronësisë së aksioneve, nr. 1688 rep., nr. 146 kol, aksioneri Funds der Republik von Kosovo e.V (Germany) transferon titullin e pronësisë mbi 1.000 aksionet e kapitalit të bankës të zotëruara prej tij në favor të Z. Francesco Mariano Mariano në masën 95% të kapitalit dhe Banca Popolare Pugliese S.c.a.r.l në masën 5% të kapitalit. Vlera e përgjithshme (çmimi i shitjes) që blerësit detyrohen t’i paguajnë shitësit është 4.820.000 (katër milion e tetëqind e njëzet mijë) euro, nga e cila shuma prej 805.000 (tetëqind e pesë mijë) euro do të përdoret për të kompensuar detyrimin e shitësit ndaj bankës. Blerësit kanë transferuar plotësisht shumën prej 4.015.000 (katër milion e pesëmbëdhjetë mijë) euro që përbën çmimin e shitjes pas zbritjes së detyrimit të sipërpërmendur, në një llogari bankare duke e bllokuar këtë shumë në favor të shitësit.

Transferimi i sipërpërmendur i aksioneve është miratuar nga Banka e Shqipërisë sipas vendimit nr. 48, datë 13.06.2005 të Këshillit Mbikqyrës të Bankës së Shqipërisë, në përputhje me kërkesat e legjislacionit bankar shqiptar.

VIII. Më datë 26.01.2008, me anë të kontratës së shitblerjes së aksioneve nr. rep 377, nr. kol 113, datë 17.01.2008 dhe marrëveshjes së parë modifikuese të kontratës së shitblerjes së aksioneve nr. 489 rep., nr. 231 kol., të nënshkruar më 20 nëntor 2008, aksionerët Banca Popolare Pugliese dhe Francesco Mariano Mariano transferojnë aksionet e tyre në favor të aksionerit të ri Veneto Banca Holding s.c.p.a.

Sipas vendimit të asamblesë së aksionerëve, datë 26.01.2009, Banka e Shqipërisë ka autorizuar shitjen e aksioneve të bankës nga ana e aksionerit Francesco Mariano Mariano në favor të Veneto Banca Holding dhe gjithashtu dhe të aksioneve të aksionerit Banca Popolare Pugliese në favor të Veneto Banca Holding. Sipas kontratave në vijim:

a) Kontrata e 17 janarit 2008, nënshkruar ndërmjet Francesco Mariano Mariano dhe Veneto Banca Holding s.c.p.a dhe të tjera integrime me marrëveshje modifikuese të 17 janarit 2008 dhe 20 nëntorit 2008.

b) Kontrata e 26 janarit 2008, nënshkruar ndërmjet Francesco Mariano Mariano dhe Veneto Banca Holding s.c.p.a.

c) Kontrata e 20 nëntorit 2008, nënshkruar ndërmjet Veneto Banca Holding dhe Banca Popolare Pugliese,

aksionet e zotëruara prej Francesco Mariano Mariano (95% të kapitalit) dhe Banca Popolare Pugliese (5% të kapitalit) janë transferuar tek Veneto Banca Holding s.c.p.a, në konformitet me kohën dhe kushtet e parashikuara nga autorizimi i lëshuar në datën 24 dhjetor 2008 nga Banka Qendrore e Shqipërisë.

IX. Më datë 25.01.2011, me vendim të asamblesë së aksionerëve të “Veneto Banca Holding”, u ndryshua emri i aksionerit nga “Veneto Banca Holding s.c.p.a” në “Veneto Banca s.c.p.a”.

X. Më datë 04.12.2017, nëpërmjet ekstraktit të Qendrës së Regjistrimit të Aksioneve pasqyrohet transferimi i 100% të kapitalit të aksionerit Veneto Banca s.c.p.a në favor të aksionerit të ri INTESA SANPAOLO s.p.a.

Më 25.06.2017, qeveria italiane shpalli likuidimin e detyrueshëm të Bankës mëmë, Veneto Banca s.p.a, administruar në bazë të ligjit italian, si dhe shitjen e aktiveve, detyrimeve, marrëdhënieve juridike me Intesa Sanpaolo s.p.a. Qëllimi i blerjes përfshin aksionet në Banca Apulia s.p.a, SECC Servizi s.c.p.a, dhe miratimet e autorizimeve përkatëse në bankat që operojnë në Moldavi, Kroaci dhe Shqipëri. Me anë të vendimit të datës 01.11.2017, Këshilli Mbikqyrës i Bankës së Shqipërisë dha miratimin paraprak për blerjen nga Intesa Sanpaolo s.p.a të 100% të aksioneve të Veneto Banka sh.a. Në 01.12.2017, u bë regjistrimi në Qendrën Kombëtare të Biznesit (QKB) i transferimit të aksioneve dhe banka u bë pjesë zyrtarisht e Grupit Intesa Sanpaolo. (Të dhënat nga Pasqyrat Financiare 2017)

I. Më datë 07.03.1997, me vendim të asamblesë së zakonshme, u zgjodhën anëtarët e Këshillit Drejtues:

a) Beqir Mezelxhiu, kryetar
b) Milazim Abazi, zv. Kryetar
c) Shefqet Brestovci, anëtar
d) Haki Shatri, anëtar
e) Pjetër Coli

II. Më datë 28.12.2005, me vendim të asamblesë së përgjithshme, u emërua Francesco Mariano Mariano në cilësinë e kryetarit të Këshillit Drejtues të Bankës.

III. Më datë 12.09.2005, me vendim të asamblesë së aksionerëve, u shkarkuan nga detyra e anëtarëve të Këshillit Drejtues: Haki Shatri, Beqir Mezelxhiu, Pjetër Coli, Rushe Gojani dhe u emëruan si anëtarë të rinj:

a) Francesco Mariano Mariano
b) Alfred Kaziaj
c) Sergio Doria
d) Mauro Buscicchio
e) Giancarlo Stasi, për një periudhë katër vjeçare me të drejtë riemërimi.

IV. Më datë 09.06.2006, me vendim të asamblesë së aksionerëve, u miratua emërimi i anëtarit të ri të Këshillit Drejtues, Z. Adrian Shehu në vend të Z. Alfred Kaziaj.

V. Më datë 26.01.2009, me vendim të asamblesë së aksionerëve, u emëruan si anëtarë të Këshillit Drejtues të Bankës: Francesco Mariano Mariano (u riemërua), Flavio Trinca, Renato Merko, Gian Quinto Peressinoto, Alessandro Gallina dhe njëkohësisht janë larguar nga detyra anëtarët: Giancarlo Stasi, Adrian Shehu, Giuseppe Dell’Anna dhe Sergio D’Oria.

VI. Më datë 27.04.2011, me vendim të aksionerit të vetëm, u emëruan si anëtarë të rinj të Këshillit Drejtues: Gaetano Caberlotto, Innocente Nardi, Gianfranco Cerutti dhe u larguan nga detyra anëtarët Renato Merlo, Gian-Quinto Perissinotto dhe Francesco Mariano Mariano.

VII. Më datë 22.04.2016, me vendim të aksionerit të vetëm, u pranuan dorëheqjet e anëtarëve të Këshillit Drejtues: Gaetoano Caberlotto, Alessandro Gallina, Flavio Trinca, Gianfranco Ceruti dhe u emëruan si anëtarë të rinj të Këshillit Drejtues të Bankës me mandat 4-vjeçar:

a) Maurizio Barbieri
b) Enrico Baretta
c) Gian-Lorenzo Martini
d) Benlamino Quintieri dhe
e) Pietro Pennacchi.

VIII. Më datë 20.12.2016, me vendim të aksionerit të vetëm, u emëruan si anëtarë të rinj të Këshillit Drejtues të Bankës me mandat 4 vjeçar:

a) Dario Accetta
b) Massimo Lanza
c) Paola Pierri
d) Emidio Tedeschini
e) Massimiliano Troiani
dhe u larguan nga detyra anëtarët e vjetër: Massimo Barbier, Enrico Baretta, Pietro Pennacchi, Innocente Nardi dhe Gian-Lorenzo Martini.

IX. Më datë 29.01.2018, me vendim të aksionerit të vetëm, u emëruan si anëtarë të rinj të Këshillit Drejtues:

a) Ilir Panda
b) Paolo Genovese
c) Gabriele Gherardi
d) Alessio Maggiolo
dhe u larguan nga detyra e anëtarët: Emidio Tedeschini, Massimiliano Troiani, Dario Accetta dhe Paola Pierri.

I. Më datë 13.03.2008, Këshilli Drejtues vendosi hapjen e filialeve të reja në:

a) Qytetin e Fierit, me adresë Sheshi “Fitorja” Bulevardi “Jakov Xoxa”
b) Qyteti Studenti, rruga “Budi”, ish Vila Brovina
c) Qytetin e Shkodrës, në adresën Lagjia “Vasil Shanto”, rruga 13 Dhjetori, ndërtesa “Salihi” kati i parë, pasuri e regjistruar në Z.R.P.P Shkodër, në Zonën Kadastrale nr. 8593, me numër pasurie 5/506, volum 20, faqe 209, Shkodër.

II. Më datë 27.04.2011, me vendim të Këshillit Drejtues, u aprovua mbyllja e filialeve në:

a) Tiranë, Rruga Budi, ish Vila Brovina tek Qyteti Studenti
b) Tiranë, Autostrada Tiranë-Durrës km. 0, pranë CASA ITALIA
dhe janë hapur filiale të reja në:
a) Tiranë, Kavajë, Lagjja 2, Kompleksi Murrizi, Hyrja Kavajë;
b) Lezhë, Lagjia Besëlidhja, Rruga Hydajet Lezha, Pallati 4-katësh, Kati i parë, Prane Holtel Bar-Restorant "Leti";
c) Tiranë, Kashar, Autostrada Tiranë-Durrës, Km 2, Mëzez

III. Më datë 30.01.2012, me vendim të Këshillit Drejtues të Veneto Banka sh.a, u aprovua hapja e filialeve të reja në:
a) Elbasan, Lagjja "Emin Matraxhiu", Rruga "Kamber Sejdini", Kompleksi "Dardanet", Kulla nr.2
b) Tiranë, Rruga e Kavajës, Ndërtesa 122

IV. Më datë 05.07.2012, me vendim të Këshillit Drejtues, u aprovua transferimi i filialit të Shkodrës nga adresa “Lagjia Vasil Shanto, Rruga 13 Dhjetori, Ndërtesa Salihi, Kati 1” në adresën “Rruga Kongresi i Përmetit”. Gjithashtu u vendos të hapet dega e re në Tiranë me adresë “Sulejman Delvina (Ish Muhamed Gjollesha) Nr. 6.

V. Më datë 18.03.2013, me vendim të Këshillit Drejtues, u aprovua hapja e filialit të ri në Korçë me adresë në Bulevardi Qendror “Gjergj Kastrioti”, ish Hotel “Turizmi.

VI. Më datë 11.04.2013, me vendim të Këshillit Drejtues, u aprovua hapja e filialit të ri në Durrës me adresë në Lagja 14, Shkozet, dhe filialit të ri në Tiranë me adresë te Rruga e Kavajës, përballë minibashkisë nr. 6, Kombinat.

VII. Më datë 01.12.2015, me kërkesë të administratorit, u saktësua adresa e degës në Shkodër. Vendodhja e saj është në Rrugën Studenti (afër Radio Shkodrës), Pasuria me Nr. 2/1132-N5 dhe Pasuria me Nr. 2/1132-N6, Zona kadastrale 8591.

VIII. Më datë 25.02.2014, me vendim të Këshillit Drejtues, u aprovua transferimi i ambjenteve të degës së Tiranës në adresën e re “Bulevardi Dëshmorët e Kombit, Kullat Binjake, kati 1, Tiranë”.

IX. Më datë 19.03.2018, u vendos të mbyllet dega e shoqërisë Veneto Banka sh.a, e ndodhur në adresën: Rruga e Kavajës, Ndërtesa 122/1, Tiranë, Shqipëri.

X. Më datë 23.04.2018, u vendos të mbyllen degët e shoqërisë Veneto Banka sh.a në adresat e mëposhtme:

a) Durrës, Lagja 14, Shkozet, Shqipëri dhe
b) Tiranë, Bulevardi Zogu i Parë, Pallati 13 katësh, Tiranë, Shqipëri

XI. Më datë 03.07.2018, u vendos të mbyllen tre degët e shoqërisë Veneto Banka sh.a, të ndodhura në adresat e mëposhtme:

a) Tiranë, Kashar, Mëzez, Autostrada Tiranë-Durrës, km 2
b) Lezhë, Lagjia Besëlidhja, Rruga Hydajet Lezha, Pallati 4-katësh, Kati i parë, pranë Hotel-Bar-Restorant “Leti”
c) Elbasan, Lagjia “Emin Matraxhiu”, Rruga “Kamber Sejdini”, Kompleksi “Dardanët”, Kulla nr. 2

XII. Më datë 11.09.2018, u vendos të mbyllet dega e shoqërisë Veneto Banka Sh.a, e ndodhur në adresën Kavajë, Lagjia 2, Kompleksi Murrizi, Hyrja Kavajë, Shqipëri.

Telefon: 0035542280555, Fax: 0035542280356